O Parador de Pontevedra sitúase no casco histórico da magnífica cidade de Pontevedra, nun pazo renacentista do século XVI que foi residencia dos Condes de Maceda. Na súa entrada atoparás unha señorial escaleira de pedra labrada que leva ás acolledoras habitacións. O edificio, decorado con antigüidades e mobles clásicos de gran valor, ten un precioso xardín onde podes pasear ou sentarte a gozar dos excelentes viños da zona.

 

O Parador non ten aparcadoiro propio. Á súa chegada, o persoal informarache das diferentes opcións para aparcar o teu vehículo.

Historia e natureza conflúen en Vilalba. Nesta tranquila localidade, situada no traxecto do Camiño de Santiago, atópase a maxestosa Torre dos Andrade onde se sitúa o Parador de Vilalba. Seis magníficas habitacións agárdanche neste torre medieval, compartindo espazo con Salón dos Andrade, decorado con escudos de armas e pinturas murais. Xunto ó impoñente torre, unido por un fermoso xardín, un edificio de pedra de estilo rexional acolle o resto das habitacións, o restaurante, o bar, o salón de banquetes, o salón de reunións e os espazos comúns, ademais do ximnasio e a zona wellness.

Unha mansión señorial a carón da saída do mar. O Parador de Ferrol é unha fermosa casa típica galega cunhas preciosas vistas ó mar. Dende algunhas das habitacións poderás gozar da panorámica do porto. Noutros recunchos do Parador, as fiestras ofrecen espléndidas vistas dos arsenais e a ría.

A preciosa vila mariñeira de Cambados atópase na comarca do Salnés, nas Rías Baixas. E aquí, na capital do viño albariño (D.O. Rías Baixas) agárdate o Parador de Cambados. O antigo Pazo de Bazán, unha elegante mansión señorial de confortables e luminosas habitacións, conserva o seu patio interior e a galería. Ademais está rodeada dun extenso xardín e unha piscina na que poderás gozar dun refrescante baño no verán.

Ó sur das Rías Baixas, protexida polo mar e con vistas á fermosa Baía de Baiona, atópase a península de Monterreal. Nela agárdate o Parador de Baiona, unha fortaleza histórica cunha espectacular panorámica sobre o océano.

 

A medio camiño entre castelo medieval e pazo señorial galego, o Parador conta con estancias rexias e elegantes, cuxa coidada decoración transportarate a outra época. Sobresaen a maxestosa escaleira de pedra do recibidos e o seu inmenso xardín, equipado cunha ampla piscina, dende onde poderás contemplar toda a baía.

O Parador de Verín é un precioso pazo tipicamente galego con vistas á impoñente fortaleza medieval de Monterrei e o extenso val fronteirizo con Portugal. No Parador poderás refrescante na piscina, pasear polos apracibles xardíns e gozar da exquisita gastronomía galega. É o lugar perfecto para perderse polos camiños do val, coñecer os prestixiosos mananciais de Cabreiroá e Sousas ou visitar as adegas da D.O. Monterrei.

Natureza, historia e arquitectura. O Parador de Santo Estevo, situado nun mosteiro beneditino, é unha das xoias da rede. Atópase no corazón da Ribeira Sacra, rodeado de natureza e cunhas vistas panorámicas espectaculares do canón do río Sil.

O Parador de Santiago de Compostela está considerado coma o hotel máis antigo de España. Sitúase na Praza do Obradoiro a carón da Catedral de Santiago de Compostela, unha das máis visitadas do mundo, e foi testemuña da trasfega de peregrinos ó longo dos séculos.

O Parador de Monforte de Lemos álzase no alto da vila, aloxado polo Mosteiro de San Vicente do Pino e o Pazo dos Condes de Lemos, que xunto á medieval torre da homenaxe forman o Conxunto Monumental de San Vicente do Pino.

 

Hoxe, as antigas estancias do pazo acollen as zonas e salóns comúns do Parador, mentres as súas habitacións organízanse arredor do maxestoso claustro neoclásico do mosteiro. O Parador dispón tamén de ximnasio, jacuzzi e unha preciosa piscina exterior que, grazas a súa situación sobre un outeiro, ofrece as mellores vistas sobre a Ribeira Sacra.