Parador de Verín

Verín é unha fermosa localidade pertencente á provincia de Ourense ás beiras do río Támega. Nela destacan os mananciais de auga de Cabreiroá e Sousas, lugares de interese como a Praza da Merced, a Praza Maior, o paseo polo río Támega, os xardíns da Alameda e a destacada fortificación medieval de Monterrei, actual Parador de Turismo. A comarca de Monterrei é coñecida tamén pola súa produción de viño. Con cita previa poden visitarse e realizar catas nas numerosas adegas de D.O. Monterrei. Verín conta tamén coa contorna perfecta para practicar BTT e facer rutas de sendeirismo, por exemplo, no Parque Natural de Invernadeiro (requírese un permiso da Xunta de Galicia). No Parador respondemos a tódalas túas dúbidas e ofrecémoste actividades hípica, golf e natación de tempada. Outra opción de turismo pode ser coñecer a cidade portuguesa de Chaves e descubrir o seu legado medieval.