Parador Costa da Morte

Situada nun enclave excepcional, rodeada do azul océano e un mar de verdes pinos, Muxía ofrece ó visitante unha contorna na que natureza e cultura se funden, invitando a gozar das súas preciosas praias, sendeiros e tradicións ancestrais. Na biblioteca do Parador, unha colección de obras do chamado Batallón Literario de Costa da Morte chamarate a descubrir a súa memoria, perpetuada na historia dos Naufraxios da Costa da Morte, na destreza das palilleiras de Camariñas e Muxía, na labor dos Oleiros de Buño, a arriscada actividade dos percebeiros e as redeiras, mulleres desta Costa que tecen dende hai séculos as redes dos mariñeiros.

A Costa da Morte é terra de monumentos, culturais e naturais. Marabíllate co Dolmen de Dombate, “a catedral do megalitismo galego”, coroa o Monte Pindo, o Olimpo da mitoloxía celta e percorre o famoso Camiño dos Faros dende Malpica a Fisterra, un dos mellores itinerarios de sendeirismo da Costa galega. Ademais, dende o Parador poderás visitar a concentración de fervenzas da Ruta das Fervenzas de Carballo, as Caldeiras do Castro ou a impresionante Fervenza do Ézaro. E se buscas unha experiencia diferente, tes que ver a WAOH! Route, a primeira ruta europea de mergullo orientada ó patrimonio subacuático.